Azərbaycanda 5 milli park ,14 dövlət qoruğu
və 16 yasaqlıq var:
Şirvan milli parkı- Cənub-şərqi Şirvan düzünün
şərq hissəsində, Salyan rayonunda yerləşən bu qoruqda ceyranlar mühafizə
edilir.
Hirkan milli parkı- Lənkəran ovalığının cənub
hissəsində, Talış dağlarının ətəyində yerləşir. Burada nadir relikt və endemik
ağaclardan bir qrupu (Lənkəran akasiyası, şabalıdyarpaq palıd, dəmirağac, azat
ağacı, Hirkan şümşadı və s.) qorunur.
Ordubad milli parkı- Naxçıvan MR-da, Ordubad
rayonu ərazisindədir. Təbii landşaft qorunur.
Ağgöl milli parkı- Ağcabədi rayonu
ərazisindədir. Əsasən su quşları qorunur.
Eldar milli parkı- Kür və Qabırrı çayları
arasında, Ceyrançöl alçaqdağlığında təşkil olunub. Burada Üçüncü dövrün relikt
Eldar şamı meşəliyi qorunur.
Qızılağac qoruğu- Xəzər dənizinin Salyan düzü
ilə qovuşduğu ərazidə yaradılıb. Köçəri quşlar qorunur. Xəzər dənizindən təcrid
olunmuş Qızılağac körfəzinin sahilindəki qamışlıqlar, bataqlıqlar su quşları
üçün əsl təbii sığınacaqdır.
Zaqatala qoruğu- Böyük Qafqaz dağlarının cənub
yamaclarındadır. Burada dağlarımızın nadir faunası (dağ kəli, maral, köpkər,
cüyür, ayı və s. müxtəlif quşlar)
qorunur.
Göygöl qoruğu- ölkəmizin ilk qoruğudur.
Göygöl və onun ətrafındakı təbii landşaft mühafizə edilir, dağ keçisi, Qafqaz maralı,
Xəzər uları, qarmaqvarı şam və s. mühafizə edilir.
Türyançay qoruğu- Acınohur arid dağlığının
Şirvan düzü ilə qovuşduğu ərazidədir. Burada təbii halda ardıc və saqqız ağacı
qorunur.
Pirqulu qoruğu- Böyük Qafqaz dağlarının
cənub-şərqində dağ meşələrinin çöllərlə qovuşduğu sahələrdə yerləşən bu qoruqda
flora və faunanın nadir növləri qorunur.
Bəsitçay qoruğu- Bəsitçay dərəsində yerləşən
bu qoruqda yaşı bir neçə əsrə bərabər olan, geniş çətirə malik şərq çinarı
qorunur.
Qarayazı qoruğu- Qazax rayonundadır. Kürün
sağ və sol sahillərindəki Tuğay meşələrinin landşaft kompleksi qorunur.
Qobustan qoruğu- Burada qədim əcdadlarımızın
10-15 min il əvvəl qayalar üzərində həkk etdikləri rəsmlər, tarixi abidələr qorunur.
İlisu qoruğu- Böyük Qafqazın cənub yamacında, Qax
rayonundadır. Təbii landşaft qorunur.
Altıağac qoruğu- Böyük Qafqazın
cənub-şərqindədir. Təbii landşaft qorunur.
Qaragöl qoruğu- Kiçik Qafqazda Laçın rayonu
ərazisində yerləşir. Təbii landşaft qorunur.
İsmayıllı qoruğu- Böyük Qafqazın
cənub-şərqindədir. Təbii landşaft qorunur
Qəbələ qoruğu- Böyük Qafqazda dağ-meşə landşaftının
qorunduğu qoruqlardandır.
Şahbuz qoruğu- Naxçıvan MR ərazisində Şahbuz
rayonundadır. Batabat gölü və ətraf ərazilərin təbii kompleksi qorunur.
Respublikamzın bəzi yasaqlıqları: Laçın, Zuvand, Qubadlı,
Şəki, Bərdə, Qusar, Qarayazı, Qızılağac, Şirvan, Şəmkir, Korçay, Ağgöl,
Bəndovan, Gəncə, İsmayıllı, Çilov.
|